კიდევ ერთიო არაჩვეულებრივი მოდიფიკაცია გუგლისგან…დანარჩენი იხილეთ “read more“-ში

გასული 4 წლის მანძილზე გუგლის მომხმარებლებს შეეძლოთ სანტა-კლაუსის დანახვა გუგლის პოპულარულ პროგრამა GoogleEarth-ში. სანტა-კლაუსის გადაადგილებისათვის თვალის დევნება შეგიძლიათ 3D ფორმატში. თქვენ ამისათვის უბრალოდ უნდა ჩაწეროთ GoogleEarth-ი, თუ არ გიწერიათ და გაუკეთოთ პატარა მოდიფიკაცია რომელიც გუგლის შვილობილმა კომპანია NORAB-მა შემოგვთავაზა.

გადმოსაწრი ლინკები იხილეთ ქვემოთ…

Download GoogleEarth
Download NORAB Modification

კომპანია სამსუნგმა გამოუშვა ახალი ფლეიერი – Samsung Yepp YP-P3 – კორეაში.

სამ დუიმიანი და 480×272 გაფართოების მქონე სენსორული ეკრანის წყალობით, მუსიკის დაკვრის გარდა Yepp YP-P3-ს ასევე შეუძლია ფლეშ-ფაილების, ვიდეოების, ელ-წიგნების გაშვება…ფლეიერის ინტერფეისი ფლეშის ბაზაზეა დაფუძნებული და იმ ძირითად ფუნქციებთან ერთად, რომლებიც გულისხმობენ H.264, MPEG-4, WMV, AAC, FLAC, MP3, Ogg, WMA ფორმატის ფაილების წაკითხვას, ასევე აქვს ფლეშ-თამაშების გაშვების ფუნქციაც.

ფლეიერს ასევე აქვს Bluetooth 2.1-ი, FM-რადიო და ხმის ჩამწერი. ბატარეის ერთი დატენვა გეყოფათ 30 საათის განმავლობაში, ხოლო Bluetooth-ის არსებობა მოგცემთ უშნურო ყურსასმენების გამოყენების საშუალებას. კომპანია Yepp YP-P3-ის გაყიდვას სამ ვარიანტად აპირებს – 4GB, 8GB და 16GB მოცულობით შესაბამისად, $180, $211 და $248 დოლარად.

აქვე გთავაზობთ პატარა ვიდეოს იუთუბიდან:

დევიდ ჯონ გილმორი (David Jon Gilmour) - (დაბადებულია 1946 წლის 6 მარტს) – არის ინგლისელი მუსიკოსი, ყველასათვის საყვარელი და ცნობილი სოლისტი და გიტარისტი, ასევე -ის უამრავი სიმღერის ავტორი. -თან პარალელურ თანამშრომლობასთან ერთად დევიდმა მოახერხა ემუშავა ჩამწერ სტუდიებში საკუთარი წარმატებული სოლო კარიერის გასაკეთებლად, რაც აუსრულდა კიდეც…

ადრეული წლები

გილმორი დაიბადა კემბრიჯში(ქალაქი ინგლისში). მისი მამა, დუგლას გილმორი იყო კემბრიჯის ზოოლოგიის უნივერსიტეტის ლექტორი, ხოლო დედა – სილვია – სკოლის მასწავლებელი და ფილმების რეჟისორი.

გილმორი სწავლობდა ჰილს როუდზე, კემბრიჯში, სადაც გაიცნო Pink Floyd-ის მომავალი გიტარისტი და ვოკალისტი სიდ ბარეტი, რომელიც ასევე ჰილს როუდზე სწავლობდა. დევიდი არაჩვეულებრივად სწავლობდა თანამედროვე ენებს და პარალელურად გიტარის დაკვრას სიდთან ერთად. 1963 წელს გილმორმა ჯგუფ “Joker’s Wild“-ში დაიწყო დაკვრა. 1966 წელს დევიდმა დატოვა ჯგუფი და საკმაო ხანი დაეხეტებოდა ესპანეთსა და საფრანგეთში მეგობრებთნ ერთად…ისინი არ იყვნენ წარმატებულები და ფულსაც მხოლოდ საჭმელისათვის თუ შოულობდნენ… 1967-ში იგი დაბრუნდა ინგლისში მოპარული ბენზინითა და ძველი ფურგონით.

Pink Floyd

1967 წელსვე დეკემბრის თვეში, ნიკ მეისონმა დეივი პინკ ფლოიდში მიიწვია. 1968 წლიდან გილმორი უკვე ჯგუფის მეხუთე წევრი იყო…თავიდან მას ევალებოდა იმ ადგილების შევსება ლაივ კონცერტებზე გიტარის სოლოთი, სადაც სიდ ბარეტი ვერ ახერხებდა სიმღერასთან ერთად. როდესაც სიდმა “დატოვა” ჯგუფი, დეივი ავტომატურად გახდა წამყვანი გიტარისტი და სოლოები ბასისტ როჯერ უოტერსთან და პიანისტ რიკ რაიტთან გაიყო. “The Dark Side of  The Moon“-სა და “Wish You Were Here“-ს წარმატებით გამოსვლის შემდეგ, ჯგუფზე კონტროლი უოტერსმა დაისაკუთრა და “Animals” და “The Wall” მარტო თითონ დაწერა...“The Wall“-ის ფილმზე მუშაობისას როჯერმა რიკ რაიტი საერთოდ მოხსნა ჩაწერებიდან, რამაც გილმორსა და უოტერსს შორის უთიერთობის გაუარესება გამოიწვია.

“Animals“-ის ჩაწერის შემდეგ გილმორმა შეამჩნია რომ მისი მუსიკალური მონაცემები გამოუყენებელი რჩებოდა და საკუთარ იდეებს პირველ სოლო ალბომში(1978 – David Gimour) შეასხა ფრთები. ამ ალბომში გამოიხატა და გამოიკვეთა დეივის გიტარის უნიკალური დაკვრის ნიჭი და სიმღერების წერის ჩვეულებები. მოგვიანებით “The Wall“-ში შევიდა “Comfortably Numb” – დეივის სიმღერა მისი პირველი ალბომიდან. 

იმ ნეგატიურმა ატმოსფერომ რომელიც თან ახლდა “The Wall“-ის ალბომისა და ფილმის შექმნას და რაც კიდევ უფრო გაამყარა ახალი ალბომის “The Final Cut“-ის გამოსვლამ, რომელიც აშკარად უოტერსის სოლო ალბომს წააგავდა, გილმორს გადააწყვეტინა მეორე სოლო ალბომის “About Face“-ის გამოშვება. სამწუხაროდ ამ ალბომმა ვერ მოიპოვა საჭირო პოპულარობა. მის ტურზე ბილეთებიც ვერ გაიყიდა საკმაო რაოდენობით. იგივე სიტუაცია იყო უოტერსის სოლო ალბომ “The Pros and Cons of Hitchhiking“-ზე.

1985 წელს უოტერსმა გამოაცხადა რომ ჯგუფი შემოქმედებითად გამოწურული იყო. ამის შემდეგ, გილმორმა და “Pink Floyd“-ის დრამერმა ნიკ მეისონმა გააკეთეს განცხადება უოტერსის ჯგუფიდან წასვლის თაობაზე. მათ ასევე დასძინეს რომ ჯგუფი აგრძელებდა მის გარეშე მოღვაწეობას. გილმორი სათავეში ჩაუდგა ჯგუფს და გამოუშვა პირველი ალბომი – “The Momentary Lapse of Reason” – მისი ხელმძღვანელობითა და რაიტის დახმარებით. რიკი ოფიციალურად 1987 წელს დაუბრუნდა ჯგუფს მსოფლიო ტურის დროს და დიდი წვლილი შეიტანა “The Division Bell“-ის შექმნაში…

გილმორის ინტერვიუდან:

1986 წელს, გილმორმა შეიძინა მდინარე ტემზაზე არსებული სახლი – Houseboat Astoria და ჩამწერ სტუდიად გადააკეთა. სწორედ აქ ჩაიწერა მისი ერთ-ერთი ახალი ალბომი “On an Island” 2006 წელს.

2005 წლის 2 ივლისს გილმორმა დაუკრა “Pink Floyd“-თან ერთად ლაივ კონცერტზე – Live 8. ამ კონცერტში უოტერსიც მონაწილეობდა.  წარმოდგენამ პინკ ფლოიდის რეიტინგი 1000-ჯერ გაზარდა , რაც გამოიხატა მათი ალბომის “Echoes: The Best of Pink Floyd“-ის  წარმოუდგენელი გაყიდვებით.

2006 წლის 20 თებერვალს Billboard.com-თან ინტერვიუს დროს  გილმორმა  ჯგუფის მომავალთან დაკავშირებით განაცხადა: “ვინ იცის? მე არ მაქვს გეგმები ჯგუფის აღდგენაზე. ჩემი გეგმები უფრო მეტად ჩემს სოლო კარიერას უკავშირდება.”

2006 წლის დეკემბერში გილმორმა ჩაატარა სოლო კონცერტი, რომელიც სიდ ბარეტის ხსოვნას მიუძღვნა. დეივმა სიდის ერთ-ერთი სინგლის Arnold Layne-ის ახალი ვერსიაც წარმოადგინა დევიდ ბოუისთან და რიკ რაიტთან ერთად.  სინგლმა ბრიტანულ ჩარტებში ლიდერობა რამოდენიმე კვირა შეინარჩუნა.

Live 8-ს შემდეგ, გილმორმა ისევ დააფიქსირა საკუთარი აზრი პინკ ფლოიდის აღდგენის შეუძებლობაზე. მისი აზრი უფრო განამტკიცა 2008 წლის სექტემბერში რიკ რაიტის გარდაცვალებამ. ამ სამწუხარო ფაქტმა დეივი ძალიან დაამწუხრა: “როდესაც ჩვენ ვმსჯელობთ იმაზე თუ რა და ვინ იყო “Pink Floyd“-ი, არ შეიძლება არ აღინიშნოს რიკის უდიდესი წვლილი ჯგუფის განვითარებაში. მისი ხმა და კლავიშის ჟღერადობა საოცარი და სპეციფიური იყო ყოველთვის. მე არ შემიძლია ჩემი გრძნობების სიტყვებით გადმოცემა. მე ძალიან მიყვარდა რიჩარდი და ძალიან დამაკლდება იგი. მე არასოდეს დამიკრავს რიკისნაირ ადამიანთან ერთად”…

მუსიკალური სტილი

გილმორი ცნობილია როგორც გიტარისტი. მისი დაკვრის სტილი შეფასებულია როგორც ყველაზე ეკონომიური და მელოდიური ჟღერადობა. გარდა გიტარისტობისა, გილმორი ასევე მულტიინსტრუმენტალისიტიცაა. იგი უკრავს ბას-გიტარაზე, კლავიშზე, დასარტყამ ინსტრუმენტებზე, ჰარმონიკაზე და საქსოფნოზე.

პირადი ცხოვრებიდან…

გილმორის პირველი ცოლი იყო ამერიკელი ვირჯინია “გინგერ” ჰასენბაინი, რომელთანაც დეივს ოთხი შვილი ჰყავს: ალისა(დაიბადა 1976 წელს), კლერი(დაიბადა 1979 წელს), სარა(დაიბადა 1983 წელს) და მეთიუ(დაიბადა 1986 წელს). მას ასევე ოთხი შვილი ჰყავს მეორე ცოლისგან – პოლი სამსონისგან – ჩარლი (დეივის გერი), ჯო, გაბრიელი და რომანი.

ალბათ წარმოგიდგენიათ თუ რამდენი მილიონი ადამიანი ელოდა პოპულარული ექშენის, GTA 4-ის გამოსვლას და ალბათ იცით რომ ამ თამაშმა გამოსვლამდე მოხსნა ყველანაირი რეკორდი, მაგრამ მის გამომშვებებს უკვე სხვა კითხვები უტრიალებთ თავში: როგორი იქნება შემდეგი გამოშვება GTA 5? მათ უკვე წარმოადგინეს გარკვეული მონახაზი იმისა თუ როგორი რეალური უნდა იყოს ახალი სიმულატორი, რომლის გამოშვებაც 2014 წლისათვს იგეგმება…

გთავაზობთ რამოდენიმე დამახასიათებელ ნიშან-თვისებას, რომელიც გაგაოგნებთ! იხილეთ მთლიანი სტატია…

სახის სკანირება

წარმოიგდინეთ რამდენიმე მოთამაშის რეჟიმი(Multiplayer) GTA-ში თქვენს მეობრებთან ერთად. არა უბრალოდ შექმნილი პერსონაჟებით, არამედ თქვენი მეგობრების ზუსტი ასლებით, რომლებიც ზუსტად ისე გამოიყურებიან როგორც თქვენი მეგობრები. GTA-ის მწარმოებლები თვლიან, რომ შემდეგი თაობის თამაშში შესაძლებელი იქნება მოთამაშის სახის სკანირება და მისი ზუსტი ასლის თამაშში გადატანა.  წარმოიდგინეთ ბანკის ძარცვა. ზიხართ ავტომობილში და ამ დროს თქვენი მეგობრები ფულით გატენილი ტომრებით ბანკიდან გამორბიან. ასეთი რეალობა ისე ჩაგითრევთ თამაშში, რომ მისთვის თავის დანებება აღარც მოგინდებათ!

ავტომობილის მოდერნიზაცია

GTA 3-ს თამაშისას თქვენ არ შეგეძლოთ რეალურად შეგეგრძნოთ ავტომობილის კონტროლი. წარმოიდგინეთ ხელსაწყოების სრული ჩამონათვალი, რომლებიც საშუალებას გაძლევენ თვითონ შეაკეთოთ და მოდერნიზაცია გაუკეთოთ საკუთარ ავტომობილს.

მოგზაურობა საზღვარგარეთ

აქამდე GTA-ში უკვე გვხვდებოდა თვითმფრინავები და ვერტმფრენები, მაგრამ ჩვენ გვსურდა ალბათ, რომ მათი გამოყენება თამაშში უფრო რეალური გამხდარიყო. GTA 5 იქნება დიდი მოცულობის თამაში, ამიტომაც შესაძლებელი იქნება დიდი მანძილების გადალახვა თვითმფრინავით, მატარებლით, ნავით ან საერთოდ ავტომობილით…რა თქმა უნდა, ჩვენ მთელს მსოფლიოს ვერ მოვიცავთ, მაგრამ ევროპის დიდი ნაწილის დალაშქვრა შესაძლებელი იქნება.  ალბათ უკვე თვალწინ დაგიდგათ ყველაფერი…

ღია შენობები

ჯერ-ჯერობით ჩვენთვის ცნობილია, რომ ახლანდელი აპარატურა და ტექნოლოგიები შეზღუდულია ისეთ საკითხებში, როგორიცაა სრულიად ინტერაქტირული და ღია შენობები და დაწესებულებები თამაშში, მაგრამ მომავალში შესაძლებელი იქნება ამის გაკეთება. ჩვენ შევძლებთ შევიაროთ მაღაზიებში, სახლებში. შევძლებთ დაკეტილი კარებების შემტვრევას და ა.შ… შთამბეჭდავია ნამდვილად. მესმის თქვენი გაოცება, მაგრამ შეგიძლიათ პირი დახუროთ.…

განადგურება

GTA 4 გამოირჩევა ტრანსპორტული საშუალებების განადგურების უნიკალური სისტემით, მაგრამ თამაშს აშკარად აკლია შენობებისა და დიდი ნაგებობების განადგურების ფუნქცია…როდესაც ჩვენ მუხას ვესვრით შენობას ის უნდა ინგრეოდეს ან ბოლს მაინც უშვებდეს ან კიდევ როდესაც ტრაილერით კედელს ვეჯახებით მინიმუმ მის მეორე მხარეზე უნდა აღმოვჩნდეთ და მაქსიმუმ ვინმეს საძინებელში ან სამზარეულოში. ეს ყველაფერი შესაძლებელი უნდა გახადოს ახალი თაობის შესაძლებლობებმა…

ქალაქის მახსოვრობა

GTA 4-ში ჩვენ მაქსიმალურად ვაჩენთ ჩვენს აგრესიულ მხარეს და პირდაპირ ქუჩაში თვალის დაუხამხამებლად ვხოცავთ უბრალო გამვლელებსაც კი…რა იქნებოდა რომ ადამიანებს დამახსოვრებოდათ ყველაფერი…იქნებ იმ ქალს ან კაცს ჰყავდა დები  ან ძმები, უარეს შემთხვევაში განგსტერი ნათესავები, რომლებიც თქვენზე ნადირობას გამოაცხადებენ. ან როდესაც თქვენს მიერ ჩამონგრეული შენობა გზას ჩახერგავს პირდაპირ არ ქრებოდეს და გზის აღდგენას კვირები და თვეები დასჭირდეს…ეს ყველაფერი შეიძება მოხდეს სულ რამდენიმე წელიწადში…

Need For Speed არის სარბოლო ვიდეო თამაშის სერია, რომელიც დაარსდა და განვითარდა კანადაში, კომპანია EA Black Box-ის მიერ. მისი გამოცემა და გაყიდვა ითავა Electronics Arts-მა…

მიმოხილვა

Need For Speed-ის სერიების ძირითადი აზრი ეყრდნობა ავტომობილის ტექნოლოგიებს, მექანიკასა და გარკვეულ სარბოლო წესებს. მოთამაშე მართავს ავტომობილს და იბრძვის გამარჯვებისათვის. კარიერის დროს,(Career Mode) მოთამაშემ უნდა მოიგოს რბოლების გარკვეული რაოდენობა, რათა მოექცეს გამარჯვებულთა სიის თავში. ყოველი თამაშის წინ მოთამაშე ირჩევს სასურველ ავტომობილსა და გადაცემმის კოლფის ტიპს(ავტომატიკა/მექანიკა).

მიუხედავად ერთნაირი სახელისა, Need For Speed-ის თამაშის სერიები საკმაოდ განსხვავდებიან ერთმანეთისგან. უფრო ადრეულ ვერისებში ავტომობილი შეჯახებისას საერთოდ არ ზიანდება. უფრო თანამედროვე ვერსიებში, ეს ეფექტი უფრო რეალური გახადა ახალი ტექნოლოგიების ჩართვამ თამაშის შექმნაში. ამ მხრივ აღსანიშნავია უდიდესი ნახტომი Need For Speed-ის ისტორიაში მისი ერთ-ერთი სერიის - Need For Speed Undergroun-ის სახით, რომელიც დაეფუძნა ცნობილ კინო-ჰიტს ქუჩურ რბოლებზე(The Fast and The Furious).

ამ თამაშის სერიებში ძალიან დიდი პოპულარობა ჰპოვა პოლიციის გამოდევნების ფუნქციამ. პოლიცია Need For Speed-ის პირველივე სერიიდან ჩანდა, მაგრამ გაცილებით დახვეწილი წარმოგვიდგა Need For Speed Hot Pursuit-ში, სადაც მოთამაშეს მოგების გარდა პოლიციის ჩამოცილებაზეც უნდა ეზრუნა, რაც უფრო მეტი ადრენალინის გამოყოფის პირობას იძლევა…

Need For Speed Underground-ის გამოსვლამ საკმაო სიახლეები მოუტანა თამაშს. სიმულატორს დაემატა რბოლების ახალი ტიპები: Drag Race და იაპონიიდან წამოსული და მთელს მსოფილიოს მოდებული Drifting Race.
Drag Race – ეს არის რბოლის ტიპი, როდესაც ავტომობილი იმყოფება მექანიკური გადართვის რეჟიმში და მოთამაშის ძირითადი მიზანია განავითაროს მაქსიმალური სიჩქარე. ამას ხელს უწყობს ტრასის სისწორეც. მაგრამ არის ერთი დაბრკოლებაც: ნებისმიერი ავარიის შემთხვევაში მოთამაშე ეთიშება რბოლას.
Drifting Race – ძალიან გავრცელებული ექსტრემალური რბოლაა და მგონი არც სჭირდება აღწერა.

ძალიან საინტერესოა Underground 2-ის ახალი ფუნქცია ეგრეთ წოდებული Free Roam(თავისუფალი მოძრაობა), ანუ Underground-ისაგან განსხვავებით მეორე სერიაში მოთამაშეს შეუძლია ქუჩაში თავისუფლად სიარული, სხვა მრბოლელებთან ქუჩაში შეჯიბრება, სამოქალაქო ავტომობილების გარემოცვაში, ასევე შემოვიდა ავტომობილის ტიუნინგის ფუნქცია, თქვენვე შეგიძლიათ რეალური ფუნქციების ცვლა ავტომობილში, რაც რეალურ შედეგებს იძლევა…ნელ ნელა უფრო ფართოვდება და რეალური ხდება ყველაფერი…

Underground-ში დაინერგა და Underground 2-ში განვითარდა ავტომობილის ვიზუალური კონფიგურაციების ფუნქცია, რაც ისევ და ისევ ცნობილი ფილმის “ფორსაჟის” ზეგავლენითაა გამოწვეული. მოთამაშეს შეუძლია დაახატოს ავტომობილს სხვა და სხვა ტიპის ვინილები, პოსტერები, სპონსორის რეკლამები, ცვალოს სარკეები, ბამპერები, სპოილერები…ეს ყველაფერი კი ეხმარება ავტომობილის რეიტინგის აწევისათვის.

Need For Speed Carbon სულ ახალი ერის დასაწყისია რბოლის სიმულატორებში. აქ უკვე “მოსული პონტია” მოწინააღმდეგის “დალეწვა” და რბოლიდან გამოთიშვა…უამრავი ავტომობილია წარმოდგენილი, რომლებიც დაყოფილნი არიან კატეგორიებად: Exotic Cars(იშვიათი და უძვირფასესი ავტომობილები): Lamborgini, McLaren Mercedes..
Muscle Cars(სიძლიერით ცნობილი ავტომობილები): Mustang, Chevrolett..
Tuners(სპორტული ავტომობილები): Eclipse, Mitsubishi…

ჯერ-ჯერობით მსოფლიოში ვერც ერთმა სარბოლო თამაშების მწარმოებელმა ვერც კი მიაღწია ამ ბრენდის დონემდე, ამიტომაც არის Need For Speed მსოფლიო ჰიტი!

სერიების ჩამონათვალი:

The Need for Speed (1994)
Need for Speed II (1997)
Need for Speed: V-Rally (1997)
Need for Speed III: Hot Pursuit (1998)
Need For Speed: V-Rally 2 (1999)
Need for Speed: High Stakes (1999)
Need for Speed: Porsche Unleashed (2000)
Motor City Online (2001)
Need for Speed: Hot Pursuit 2 (2002)
Need for Speed: Underground (2003)
Need for Speed: Underground 2 (2004)
Need for Speed: Underground Rivals (2005, PlayStation Portable)
Need for Speed: Most Wanted (2005)
Need for Speed: Carbon (2006)
Need for Speed: ProStreet (2007)

Need for Speed: Undercover (2008) – ჯერ-ჯერობი ცინცხალი თამაშიაშ მაგრამ უკვე უდიდესი პოპულარობა მოიპოვა ახალი გრაფიკითა და ფიზიკით.

Need for Speed (2009) - Need For Speed Undercover-ის გამოსვლისთანავე მწარმოებლებმა დაიწყეს ფიქრი ახალ სერიაზე…